المقادير
3 أكواب و نصف دقيق منخول - كوب و نص زبده - 1 كوب سكر بودره منخول - بيضه - صفار بيضه - ملعقه صغيره بيكنج بودر - فانيليا - ذرة ملح صغيره - 2 ملعقه كبيره كاكاو
* للتجميل : شوكولاته خام , مربى مشمش مصفاه , مكسرات مفروكه
التحضير
نضرب الزبده مع السكر بملعقة خشبية او بالمضرب الكهربائي لحد ما الخليط يبقى هش وناعم زى الكريمة.
و بعد كده نضرب البيضة وصفارالبيضة مع الفانيليا بالشوكة و نضيفها للخليط السابق.
* و بعد كده نضرب الدقيق مع البيكنجبودر والملح و نضيفه بالتدريج للخليط السابق حتي لحد ما تبقى عجينة ناعمة( جدا و ممكن منستخدمش كل الدقيق لصنع العجينه)
* نقسم العجينة نصين , نسيب نصف بلونها الطبيعي و نخلط النصف التانى مع ملعقتين كبيرة كاكاو مع اضافة ملعقة أو ملعقتين كبيرة لبن.*
نشكل العجينة علي هيئة وردات بالقمع او بماكينة البيتي فور و نرصها في الصاجات علي مسافات متباعدة و نخبزها في فرن متوسط الحرارة لحد ما لونها يبقى دهبي
نرفع البيتي فور من الصاجات بحرص ويترك حتي يبرد, ثم يجمل حسب الرغبة , نلصق كل قطعتين مع بعضهم بالمربي او تغطي بالمربي وتغمس في المكسرات اويعمل للشوكولاتة حمام ماء ساخن ثم تغمس نصف وحدات البيتي فور في الشوكولاتة بعد ما تبرد.
